H. Asép Sunandar Sunarya (Almarhum)

BismillahirRahmanirRahim ...

inna lillahi wa inna ilayhi raji'un (#)

Ngiring Belasungkawa ku Ngantunkeunna Dalang Wayang Golék
nu Kawentar "H. Asep Sunandar Sunarya" (Giri Harja 3)
dinten Senen (ping 31 Maret 2014 14.20 WiB) di RS. Al Ihsan Baleendah,
Kabupaten Bandung, Jawa Barat. [republika.co.id | tribunnews.com]

"Allahummaghfir lahu warhamhu wa ‘aafihi wa’fu ‘anhu wa akrim nuzulahu wa wassi’ mudkholahu waghsilhu bilmaa’i wats tsalji wal barodi wa naqqihi minal khothooyaa kamaa naqqaitats tsaubal abyadla minad danasi wa abdilhu daaron khoiron min daarihi wa ahlan khoiron min ahlihi wa zaujan khoiron min zaujihi wa adkhilhul jannata wa a’idzhu min ‘adzaabil qobri au min ‘adzaabin naar"
("Ya Allah, ampunilah dosa-dosanya, kasihanilah ia, lindungilah ia dan maafkanlah ia, muliakanlah tempat kembalinya, lapangkan kuburnya, bersihkanlah ia dengan air, salju dan air yang sejuk. Bersihkanlah ia dari segala kesalahan, sebagana Engkau telah membersihkan pakaian putih dari kotoran, dan gantilah rumahnya -di dunia- dengan rumah yang lebih baik -di akhirat- serta gantilah keluarganya -di dunia- dengan keluarga yang lebih baik, dan pasangan di dunia dengan yang lebih baik. Masukkanlah ia ke dalam surga-Mu dan lindungilah ia dari siksa kubur atau siksa api neraka.")

---

Cumeuluk H. Asép Sunandar Sunarya:
Nyutat ti Wikipédia, énsiklopédi bébas dina basa Indonesia) [Témbongkeun]

“Kuring kudu ngahaturkeun nuhun ka sing saha waé anu geus ngritik, rék didasaran ku ngéwa atawa nya’ah, pék téh teuing. Sajaba ti éta, meureun perlu ogé kuring nendeskeun yén naon rupa kréativitas jeung inovasi anu ku kuring dilakukeun, dina raraga tarékah sangkan seni Sunda wayang golék anu mibanda ajén adi luhung, tetep bisa hirup disagala jaman, kaasup dijaman kiwari anu gening batan sakitu loba nilai seni katut budaya deungeun anu asup ka Indonésia pon kitu deui karasa ku urang Sunda. Atuh meureun mun wayang golék teu dimumulé kujalan inovasi mah tangtu baris kadéséh kubudaya deungeun téh. Nudipigusti ku Kuring mah ngan Gusti, lain pakem, lain wayang golék, lain tali paranti. Sapamanggih Kuring pakem wayang golek lain perkara anu statis komo kudu disakralkeun mah, lain! Ngan disisi séjén, kuring ogé kudu méré atawa nyadiakeun lolongkrang pikeun saha waé anu miboga pamadegan anu teu sajalan jeung pamanggih kuring, mangga téh teuing. Teu aya guna jeung manfaatna mutuskeun silaturahmi alatan pakem jeung hal séjén anu sifatna multitafsir. Naon anu dilakukeun ku Kuring, ngaropéa wayang golék ku jalan inovasi, lantaran Kuring yakin yén euyeub pisan niléi-niléi kamanusaan katut Katuhanan dina seni Sunda wayang golék. Kumangrupa anu mere aprésiasi kana naon anu ku Kuring dilakukeun, éta mah hak balaréa séwang-sewangan,da kuring mah darma diajar, atuh ngadalang gé darma diajar,”

---

Biografi Singkat H. Asép Sunandar Sunarya
Nyutat ti Wikipédia, énsiklopédi bébas dina basa Sunda [Témbongkeun]

Asép Sunandar Sunarya (gumelar di Bandung, 3 Séptémber 1955 – pupus di Bandung, 31 Maret 2014 dina yuswa 58 taun) nyaéta salasahiji dalang fénomenal dina wayang golék.

• Babar: Bandung, 3 Séptémber 1955
• Pupus: Bandung 31 Maret 2014
• Tempat nganjrek: Giri Harja RT 01/01, Kalurahan Jelekong, Kacamatan Balééndah, Kabupaten Bandung (Jawa Barat)
• Kawarganagaraan: Indonésia
• Ngaran séjén: Sunarya Kartadinata
• Katelah ku: Dalang wayang golék
• Atikan:
  1962 – 1968: SD Cangkring
  1968 – 1971: SMP Pasigaran
  1972 – 1973: Atikan Pedalangan di Radio Republik Indonésia (RRI) Bandung
• Pagawéan: Dalang wayang golék
• Ageman: Islam

Ngadalang

Élmu padalangan bisa kacangking sacara turun tumurun sarta otodidak. Référénsi ngeunaan pewayangan dicokot ti sagala rupa asal di antarana sastra lisan, buku-buku, sarta pergaulan jeung sagala rupa golongan, ku kituna dina saban pagelaran sok adaptasi jeung apresiasi balaréa sarta dina pidanganana sok luyu jeung kamekaran jaman.

Kreasi sarta inovasi anu junun dimekarkeun nyaéta mangrupa carita anu leuwih metot sarta ngahibur. Nyieun wayang-wayang téhnik (buta-buta), anu bisa utah mie sarta getih, sirah peupeus, buta nu panonna bisa ngiceup, jeung sirah anu bisa digerakkeunn, nyieun panah katut busurna, gada anu mimitina ngan dijieun tina kulit ipis dikembangkeun jadi gada anu dijieun tina kai jeung busa.

Yasa jeung karya

• 1984 – 2001 : Déwan Pangadeg Yayasan Pedalangan Giri Harja.
• 1975 – kiwari : Dina 1 (hiji) warsih saeutikna 120 kali pintonan, komo ti 1976 tepi ka 1987 mah kungsi ngeusian pintonan wayang golek salila 6 (genep) bulan patuturut.
• 1978 : Jawara Pinilih i Binojakrama sa-Jawa Kulon.
• 1982 : Jawara Pinilih i Binojakrama sa-Jawa Kulon.
• 1985 : Jawara Umum Binojakrama sa-Jawa Kulon.
• 1989 : Datangna ka Amérika dina raraga pintonan wayang golek.
• 1992 : Miluan Festival Wayang (Teater Boneka) di Perancis.
• 1993 : Jadi Dosen Cahara di institut international de La Marionnette di Charleville Perancis.
• 1994 : Ubeng Éropa dina raraga pementasan wayang golek.
• 1994 – 2004 : Ngeusian Program Acara ASEP SHOW di Télévisi Atikan indonésia (TPi) kalawan inohongna si Cepot saban bulan Ramadan.
• 2001 : Datangna ka inggris dina raraga pidangan wayang golek di 12 dayeuh babarengan jeung Asian Music Circuit (AMC).
• 2005 : Ngeusian Program Acara Pementasan Wayang Golek saban peuting minggu di Télévisi Atikan indonésia (TPi) saloba 36 épisodeu.

Sajaba ti jadi dalang, geus meunang pangajén ti sawatara instansi sarta pangajén anu pangluhurna dibikeun ku Présidén Soeharto nyaéta Tanda Cahara Satyalencana Kabudayaan.

Artikel ngeunaan Wayang ieu mangrupa taratas, perlu disampurnakeun.
Upami sadérék uninga langkung paos perkawis ieu, dihaturan kanggo ngalengkepan
Kaca ieu panungtungan dirobah 12.33, 31 Maret 2014.

---

Tumbu kaluar [Témbongkeun]

• http://su.wikipedia.org/wiki/Wayang_golék
• http://www.wayanggolek.net
• http://aslisunda.wordpress.com
• http://manuskripkesunyian.wordpress.com
• http://rencomputra.blogspot.com
• http://wayangprabu.com

---

Unduh Koleksi Pagelaran Wayang Golek

---

Upami sadérék kagungan sareng uninga langkung paos kana perkawis Pagelaran Wayang Golek, khususna pintonan ti Ki Dalang H. Asep Sunandar Sunarya (Almarhum) sareng rengrengan ti Giri Harja 3 - Bandung, dihaturan kanggo ngalengkepan ...

---

Tribute for H. Asep Sunandar Sunarya (Almarhum)
Muga Aya Mangpaatna, Hatur Nuhun !!!
Jazakumullohu Khouiron Katsiron

THANKS FOR STOPPiNG BY!
We're Highly Appriciate any Support Suggestion?
To Keep This Blog Alive!